泳兒（右）前晚扮鬼扮馬去九龍灣出席萬聖節活動，佢話以前喺新加坡，嗰邊唔重視萬聖節，嚟咗香港先發覺香港好重視萬聖節。佢仲話自己好怕中國鬼，問佢有冇撞鬼經歷，佢話：「喺新加坡試過，起身時郁唔到，以為係攰，後尾啲朋友話我係被鬼壓。」佢話出埠要搵人同房，試過有次同髮型師、化妝師同助手4個人迫埋同一間房。