葉翠翠噚日着運動裝出席喺鑽石山荷里活廣場舉行嘅壁球推廣活動，佢話自己都非常好動，閒時除壁球外，仲會打保齡球、游水同騎馬。佢話學騎馬係一年前嘅事，佢話：「嗰時香港攞到個奧運馬術比賽舉辦權，我諗識多啲同騎術有關嘅知識或者可以幫到手做節目。」翠翠話就算第時自薦做奧運主持都有多啲說服力。