「味之天使」蘋果何卓瑩(Angel、圖)噚日去新城做訪問，佢個拍檔忌廉麥皓兒（小圖）日前喺台北俾人影到同謝天華去蒲，Angel都有份去台灣拍《味分高下終極踩台》，佢話錄影完嗰晚已經好夜，所以都冇同其他人一齊去玩，重即刻明哲保身話自己一向都唔鍾意蒲，亦都冇同忌廉去玩去飲酒，只係會喺西貢放狗。不過佢都幫忌廉講好話，佢忌廉平時好乖乖女，好似細路女咁。