雖然呢班富豪賬面身家蒸發唔少，但佢哋個個間公司都係藍籌股，間間都有息派，幫補番唔少。因為間間公司嘅年結日都唔同，華華就攞佢哋最近公佈嗰份業績嚟計吓數。
新地9月公佈全年業績，末期息每股派1.6銀，郭氏三兄弟合共收大概17億銀。至於長實，8月公佈中期業績，每股派5毫子中期息，超人收息共4.6億銀。新世界發展就喺10月公佈全年業績，末期息每股0.25銀，彤叔收3.3億股息。
數字遊戲啫
相比起賬面蒸發嘅身家，股息金額係就係少啲，不過咁噃，蒸發咗嘅係賬面身家，而股息係真金白銀落袋。最重要係，對於呢班富豪嚟講，幾十億上落，數字遊戲嚟啫。