24/10/2007.....
天晴
最新動態
杜奧巴、艾廸巴約後，今屆又打起埋馬華路禾尼同中北美洲嘅堅韋尼鍾斯，個個黑人中鋒衝得撞得；不過講近期出位，依然係入波能力最強、身價最高嗰位杜奧巴。
呢位轉會費達2,400萬鎊嘅科特廸瓦中鋒，最近公開插畀10萬鎊周薪佢嘅車仔老細阿巴莫域治，仲話冇咗摩佬，隨時劈炮。現今打工仔，你插我，我插你，平常不過；摩佬被炒後，向球員道別時說：「我祝你們及你們家人好運，多謝大家，甚至出賣我的人。」灑脫不失風度同霸氣，但看見杜奧巴，學人講義氣後又要學曾特首咁即刻認錯，踢波踢到做富翁，真係唔等如EQ高喎。不過足球場上，你識入番幾球波冧粉絲，好快咪乜事都無囉；何況車仔踢歐聯真係要爭氣，波飛都減咗兩次價，今晚對史浩克只係賣25鎊，恨得我呢個英國波癡牙癢癢，想即刻買張機票過去睇波。
29歲嘅杜奧巴喊走，說穿了咪又係想博跳槽意西甲，撈球員生涯最後一張fatcontract（肥肉合約）！
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報