23/10/2007.....
天晴
最新動態
我喺上周六講過，由於英冠今輪大開快車，所以最好留喺今個周中同佢決一高下。一來上周六日大把波賭，花多眼亂，二來接連打兩場，英冠隊唔係英超利記阿仙奴，冇能力派2隊喺周中出戰；若臨場睇陣再確認「傷停」，自己下注信心自高一線。
重心推介，波友喺英冠大勢可以留意吓小弟嘅貼士，喺度想講一啲數據資料，今屆唔計今日凌晨嗰場，打咗130場波，自己都睇過幾場，最似樣竟然係剛從英甲升班嘅布里斯托城，全隊多不見經傳，但進攻有紋有路；前仗主場打到錫菲聯落花流水，目前係2哥，周三迎戰修咸頓。其他波多屬癲鳳鬥狂龍，無明顯強弱之分，大熱W不宜過捧。
再翻看上屆全季數據，同今季對比其實好相似，和波比例偏少，得兩成多啲，主勝佔4成多，即係話博爆不如吼冷W；波膽唔係日職挪超，忌博大波數，今屆3個波膽1:0、1:1同2:1，已佔37%，開到「5」字得兩次。
今晚竟然唔播阿仙奴對捷克軍，整定我擺定個陣勢強攻英冠咯。
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報