李彩華及袁彌明昨日於觀塘出席《好鬼開心萬聖節》活動，大會更安排真蛇予兩人拍照，可惜阿Rain一見真蛇即嚇得花容失色，反而袁彌明則十分大膽。袁彌明表示目前與無綫尚未解約，她說：「我份約到09年，之前TVB覆我話唔會同我解約，下一步我會搵律師同佢哋傾，我決定要解約不過就希望和平去解決，唔希望要法庭判。」
袁彌明表示即使賠償十萬解約亦值得，她說：「至少可以搵返兩年自由都好抵，而且TVB亦有違約嘅地方，不過唔使賠錢解約都好難，因為TVB份合約有八頁紙，而公司要履行嘅只有兩行字，講真佢又覺得我寫啲嘢篤眼篤鼻，我又無工作，大家結束賓主關係好正常。」
採訪、攝影：王崇穎