范冰冰早前憑新戲《蘋果》獲得哈薩克斯坦電影節嘅女主角獎，佢拍呢齣戲真係落咗唔少心機，因為佢要扮演一個洗腳妹，所以電影開拍前，日日都去洗腳店睇吓啲洗腳妹嘅生活情況，又同佢哋一齊食一齊住，拍戲時，佢幾乎幫全劇組人都洗過腳，仲有場戲俾人用臭腳撩面，真係陰功，不過最大犧牲嘅係同佟大為喺浴室拍火辣情慾戲，又要俾梁家輝強姦。