《2007年亞洲小姐競選》23位候選佳麗昨日於尖沙嘴與評判團會面，身為評判之一的樂蓓更大讚近年的亞洲小姐質素高，她說：「其實上年ATV都有搵過我，不過我上年啱啱生完，個樣同個身都好腫，今年就瘦番所以可以出嚟。」問到其審美標準時，她說：「其實最緊要係個樣靚，外形真係好緊要，咁當然談吐都要好好。」
身材重平均
樂蓓表示最重要身材平均，反而上圍太大她會扣分，她說：「上圍太大着衫唔靚，男人鍾意睇笑話，真正識嘢嘅男人係鍾意身材平均，反而特別大我就會扣分。」而23位佳麗當中2號李怡燃上圍較為豐滿，問到可擔心被扣分時，她說：「唔會擔心，天生嘅冇得我揀，最緊要係注重飲食。」
採訪：王崇穎
攝影：林德雄
