劉德華（圖右）早前搵咗一班好兄弟苗僑偉同黃日華等一齊拍電影《兄弟》，有傳因華仔同梁朝偉（圖左）唔咬弦，所以偉仔冇份拍。噚日新浪網報道話偉仔為咗挽回同華仔嘅兄弟情，其經理人澤東公司特別喺今個星期五同六喺中環皇后戲院包午夜場睇《兄弟》，馮仁昭噚日問過澤東，佢哋話冇咁嘅事，仲話偉仔嗰兩日喺蘇州出席金雞百花電影節，根本冇可能分身返香港。