黃家強噚日喺新城接受《聯Fan所之啤梨士多》訪問，俾DJ路芙即場考佢換尿片手勢，家強冇失手，不過再考佢幫假BB公仔着尿片褲時，就失敗收場。家強個仔已經有七個月大，佢話太太生之前自己已經學晒換片、餵奶同幫BB冲凉，得閒都會幫手湊仔，不過早排因為要出埠做嘢，只係靠用電腦鏡頭同屋企人見面，搞到返到屋企個仔即刻對佢陌生晒，好彩呢排見得多又再親密番。