Net神每日奉旨上網搵料，至怕返工無法上網。不過網民「hkleg」就上網上到怕怕，更形容公司如網吧，同事各自埋首上網。「公司好靜，冇（定）單，個個坐晒喺度上網，呢排都係咁，成間公司好似網吧咁，我日日上網上到頭都暈！」
原來不少網民工作都頗悠閒，有人更形容「上網上到眼都痛」。「mudulldull」也有類似經驗，「我公司間中都係咁㗎，分別在於網吧係你畀錢人哋，但喺公司上網，就係人哋畀錢你。」「everestlai」安慰他，「可能公司呢排係淡季，或者遲啲就會好好多都未定。」
小心加深近視
不過，「hkleg」卻表示公司同事已經好一段日子這樣無聊。「我唔係講笑，剛剛見到有個同事枱上有份馬經㖭呀。」「kitkenyu」話：「最重要係有人工出，其他嘢唔好理啦！」但「hongwong1980」說：「我試過上網上到暈同埋反胃。」網民「janecc」警告：「唔好上咁多網，好易加深近視。」
http://www14.discuss.com.hk/viewthread.php?tid=5564400&extra=page%3D1&page=1