「學生應否談戀愛」是中學熱門辯論題目，「辦公室內應否談戀愛」則是打工仔熱話。有網民說，上司或老闆都反對下屬之間發展成戀人，擔心會影響工作，因此有公司會嚴懲拍拖同事，甚至要求其中一人辭職。
或被調派洗廁所
「如果辦公室戀愛被老細發現會有咩下場？」網民lowave表示，如果跟公司同事拍拖，很可能會被老闆調派洗廁所。Net神沒想到有辦公室風氣如此專制，老闆連職員私人感情都要指手劃腳，yocoli說：「如果我發現我下屬們拍拖，只要唔影響工作，我一定唔會理佢哋囉，咁大個人，細路仔咩。」
不過，並不是每位老闆都像yocoli開明，小恆子說：「通常都會迫你哋走囉！我前公司就有咁嘅事發生咗。」網民金老鼠亦有同類遭遇：「我公司唔畀喎，要其中一個辭職。」simon612說：「我之前有份工，份合約上真係白紙黑字寫住不可在辦公室亂搞男女關係㗎，一經發現必炒！我初初入去做時以為係阻嚇性質，但當時個阿頭斷正，仲真係執晒嘢即走，我哋成班同事你眼望我眼，呆晒呀！」
http://www14.discuss.com.hk/viewthread.php?tid=5572575&extra=page%3D2