22/10/07.....
天晴
最新動態
收費台播歐洲波，一個主攻德甲、西甲；另一個強攻英超同歐聯，各有捧場客，但我就最怕聽到主持硬銷，好唔好睇，好唔好賭，看官自有判斷，學〈球迷世界〉裏重出江湖嘅「阿盲」伍晃榮話齋，話事權喺球迷手上。
上個禮拜五收工前，睇到某足球博彩節目，佢哋冇咗英超轉播權，所以節目大部份時間都講德國波。以該台立場再夾番開波時間，實在無可厚非，但話就快開波嘅德乙好好賭喎，就真係有啲突兀；加埋佢哋位專家臨場加注嘅重心推介荷甲魚腩鹿特丹斯巴達下盤中伏，嗰日嘅德乙荷甲，馬後炮講其實極難賭。2、3線波可賭，不過接住禮拜六、日大戰連場，未做過功課齋睇盤，我自己就唔敢重注嘞。
佢哋今個禮拜六搞睇德甲波聚會，正面硬撼同時間出場嘅曼聯同車仔，其志可嘉；要我硬銷，我捧現在每逢禮拜日下午三點半復播嘅〈球迷世界〉，昔日情懷，點滴在心頭。
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報