王賢誌與無綫割蓆後依然照蒲照開P，前晚他在中環一間酒吧包場開生日會，高調慶祝昨日36歲生日，早前被指因捧崔建邦而冷落王賢誌的無綫高層陳志雲未有到場，但壽星仔卻邀請與無綫反面的袁彌明和亞視代表張文慈出席，而他更與後者在街頭共飲一杯香檳以示友好，又接受有線電視訪問，擺明剃無綫眼眉。
「陳志雲唔得閒嚟」
王賢誌提及陳志雲時說：「噚日有同佢傾電話，佢祝我happybirthday，今次佢唔得閒嚟。」但他指獲逾百名友人參加聚會，現場見出席嘉賓尚有蔡一傑、狄波拉和鍾麗淇等，王賢誌雙親與表姨向海嵐也前來捧場，其父王忠桐表態支持兒子轉會：「個仔轉咗做亞視，做乜嘢都會支持佢，𠵱家個仔更加開心。」王賢誌則謂生日願望是生活愉快。
採訪、攝影：娛樂突發組
