飲酒與睇波，關係密切；而最多人睇波時飲的酒類，當推啤酒了。酒精度低，可以大口大口的呷下去，豪邁感覺配合着足球的激情；而啤酒又是冰凍的，到戰情緊張處，一杯冷酒又可紓緩情緒。所以，啤酒商亦睇準足球市場，英超就有美國品牌淡啤酒贊助；不過，香港人捧英超的熱情有否散播到這啤酒品牌上，就不清楚了。
西甲也有啤酒贊助商，但這個牌子的酒在香港並不常見。然而，全球經濟一體化，原來它跟本地品牌啤酒屬於同一集團的。講到這個牌子，最近大賣廣告，電視廣告片由國際武打明星為主角，中間穿插了一個有名堂的小鬍子，但那個「標題」出現不到兩秒，不用心留神，根本睇唔到寫乜。
查那個小鬍子是當今菲律賓拳王，超羽量級世界冠軍帕奎奧，舊年睇過他跟墨西哥靚仔拳手默拉雷斯的比賽，帕奎奧樣子儍儍戇，外形輸晒，但力量技術大超班，3個回合就KO對手。今回拍廣告，執過樣型仔了，但幾乎認不出；而拳擊運動在香港又不算普及，這宣傳片運用的體育明星策略，真令人摸不着頭腦。
張美德