雖然很多人都說《變形金剛》故事性較弱，女仔一向較少喜歡這類電影，但一樣吸引大批男男女女入場。入戲院睇都嫌未夠，HD-DVD影碟一推出，fans排隊搶購。睇完再睇依然覺得場面好震撼，難怪！始終是真實場景，淨睇大黃蜂逐格變都夠過癮！不過，睇碟同入戲院睇一樣，變身太快，睇到有點頭暈。
記者：馬靜兒
攝影：林栢鈞
黑位有雜訊
今次試《變形金剛》的HD-DVD，用上40吋SONYBRAVIAXSERIES的全高清LCD及TOSHIBAHD-DVDPLAYER。AVCONSULTANT影音專家AlanLee試睇後，說無論人的膚色或機械人的顏色都較誇張，因為要突出主題，但視覺上依然看得很舒服。「黑位和光位層次較少，因為想誇張畫面。」
用40吋LCD睇碟都沒有察覺有甚麼問題，但後來再用135吋的投影器播放時，就發現每到黑位就出現雜訊。「但雜訊的粒子較細，一般家庭用的37吋或42吋LCD都不會察覺得到。至於聲效，則屬典型美國科幻片的水準，屬正常的水準。因為要襯托變形金剛的變形和打鬥的震撼效果，所以人聲會較細。整體來說，都算唔錯。」
暈都要睇
很多女仔對畫質的要求不會太高，記者入場睇都是為了睇震撼場面，想睇究竟點變身。在戲院睇到頭都暈，因為實在變身變得太快啦！今次睇碟可以逐格睇都柏文和大黃蜂點變，但老實說，依然睇到有點暈。但未暈前就要留意幾個必睇位。
震撼位
狂派突然自沙漠竄出，兩支螺旋形手臂不斷轉動，氣勢強勁，個個驚到發足狂奔。
爆笑位
廿呎高的博派機械人竟然在屋外左匿右匿，似足細路玩捉迷藏。
感動位
大黃蜂為救男主角SAM，被警方急凍，呢一刻真係睇到有點眼濕濕。
由卡通至電影
買HD-DVD版一定是FANS，今次的HD-DVD版本是雙碟裝，內附一隻BonusTrack。FANS當然想知整齣戲的製作過程，點由卡通片變成銀幕上的真人版《變形金剛》。導演史匹堡和其他幕後人員講點構思，點做特技。
《變形金剛》HD-DVD
片長：143分鐘
售價：$270
