上星期同大家講過伯明翰對曼聯，及愛華頓對米杜士堡。第3場波大家都應該記憶猶新，正是熱刺主場對阿士東維拉。
可一不可再的4:4，加上熱刺創會125周年，球場變D場，射燈係咁閃，再加上強勁嘅音樂，大家都相當high；而熱刺球迷真係忠心，喺熱刺落後緊嘅時候都會有些fans嘗試帶動其他球迷為熱刺打氣。只係喺落後到1:4嘅時候，他們為門將羅賓遜喝倒采。不過，這是該英格蘭門神應得的。
接着，便到了葡萄牙賓菲加的主場看歐聯分組賽，主隊迎戰薩克達。看這場比賽令我想起昔日旺角場，那時的阿叔們個個以為自己是領隊，永遠大聲指點球員的走位。
「直線呀，包番埋中間呀！」接着就會和其他阿叔一齊傾：「我都話佢係敗家仔，都唔知點解有得踢正選，我後生30年，一定踢得好過佢！」唔知旺角場會唔會再出現呢啲熱情阿叔呢？
仲有一場在皇家馬德里的巴拿比奴球場的比賽，下星期再講！
Rosa