經濟學家指世界上沒有免費午餐，不過卻可能有自動送上門的外賣，小網看到迷你論壇會員「可愛仔」的留言，險些笑到收唔到聲。
「做乜咁耐唔叫？」
「可愛仔」平日懶煮飯，幾乎每日都打電話到快餐店叫外賣，日前他尚未落「柯打」，外賣竟然未叫便送到上門。突然有人送上一盒他沒有叫的外賣，令他啼笑皆非。「我係熟客，啲人認得我，我差唔多日日叫外賣，今日無叫都送咗上嚟。」
他說由於該外賣要40元找數，他平日吃飯不會如此豪爽，故就算送到上門也無奈拒絕。「黑澤明彥」懷疑快餐店屈他食飯盒畀錢，可愛仔很大方，「屈我唔係問題，但送外賣個阿姐好慘，白行一趟」。
小網未試過有這種不請自來的外賣，Kimy表示試得多，「我試過有快餐店打嚟問我叫唔叫外賣，又試過有人打嚟，問我做乜咁耐都唔叫外賣。」