苗僑偉及賭王三姨太陳婉珍昨日出席慈善保齡球賽，陳婉珍以總理身份捐出12萬元，最終整個活動籌得110萬元。苗僑偉笑稱近日疏於練波，故沒有十足勝算，只能靠意志力打波，未知三姨太的善款有沒有幫助他發揮意志力呢？
苗僑偉、黃日華、吳家樂及東華總理陳婉珍等昨日出席在南華體育會保齡球場館舉行的「歡樂滿東華慈善保齡球大賽」，賭王三姨太陳婉珍以獎盃贊助人身份捐出12.8萬元，整個活動則共籌得110萬元。
投資物業古董
賭王三姨太陳婉珍昨日罕有地以牛仔褲便服打扮出席活動，更聯同苗僑偉主持開球禮，首次接觸保齡球的她說：「我比較文靜，少接觸運動，平時鍾意煮嘢食多啲，啲仔女咁大都唔使我帶佢哋運動啦。」
對於賭王近期預測恒指會衝破4萬點，陳婉珍表示自己沒有投資股票，她說：「我唔識玩股票，不過何生講得實有佢道理，我多數投資房地產同古董。」
苗僑偉表示近期雖然沒有時間練波，不過仍然有信心取勝，他說：「每年都打好幾次呢類慈善賽，冇時間練波咪用意志打囉。劉生（劉德華）都知我今日打波，不過佢要去內地開演唱會，等佢賺多啲錢再開戲畀我哋拍，希望佢下次可以自己做埋導演。」
撐雯女奪劇后
苗僑偉憑劇集《歲月風雲》獲提名台慶頒獎禮最佳男主角，自言沒有信心的他表示睇好拍檔劉松仁獲獎，他說：「我喺劇中唔係好多戲，松哥先係男主角，女主角就應該係司棋姐同雯女之爭，講氣勢就梗係司棋姐勁啦，不過雯女嘅演技真係實至名歸。」
採訪：卓美娟
攝影：陳俊強
