張達明噚日喺亞視開工，佢話喺手上嘅股票賬面價賺成百萬，上個月諗住放晒佢，買架百萬跑車獎勵自己，點知貪心想賺多啲，呢兩日美國跌市，佢預計今日香港開市勢跌1,500點，分分鐘賺七位數變成六位數。早前佢被發現同靚女夜蒲，佢話唔係真，以後同女仔行街發現有記者，索性小便引開佢哋視線。