道指上個禮拜五反艇跌咗366點，今朝港股會點？睇個款都唔多盞，恒指上周四收29465，10日線就喺28762，睇嚟一開市就會喺呢條線或者樓下嘅水平，之後會點？花旗個勢唔係好掂，睇怕啲港股散戶都幾驚，就算個市開得太低唔捨得沽，如果出現即市反彈，相信都會傾向減磅，即係話個市都幾難彈得起。可唔可以博花旗今晚反彈，俊樺覺得博唔過，就算短炒，都只可以係細細注。
中證監話冇講過AH股互換呢樣嘢，上周五A股生猛番，睇全球嘅資金流向，國內股市可以同花旗股市背馳，想炒Call輪，繼續向中資股入手。
中行C輪1790：中行（3988）上日收4.74元，先升後回，守穩4.5元可伺機升破5元，推向5.5元，可以買啲1790短炒，現價70仙，槓桿6.7倍（有效5.1倍），正股升上5.5元，1790可見1.35元，正股跌穿4.5元止蝕。