打工仔初踏足社會難免渾渾噩噩，經歷過弱肉強食的辦公室政治洗禮，才掌握到生存之道，直至一朝掌權便可為所欲為。網民「曼頭妹mk」最近便一嚐炒人滋味，興奮地與網友分享，「生平第一次炒人，而且炒得好爽！」
曼頭妹mk說：「我老細要我教呢個新人，呢幾日我死咗好多細胞，嘔咗好多血，扯咗無數次火，面黑到我上司都驚咗。呢幾日係我做咗幾廿年嘢最想打人嘅日子。」
「一係留佢 一係留我」
該位新人有幾不濟？曼頭妹mk稱，「個新人懶到飛起、軟皮蛇、答非所問、轉數慢，但又自以為做得好好，認為只係別人要求過高，成日駁嘴駁舌，只會講廢話同發我脾氣。」看過曼頭妹mk狂數對方，Net神也感受到她的憤恨，難怪會開殺戒炒人。「終於我昨日對上司講，一係留佢，一係留我。之後佢已經唔使返工。」
網民慧心歡呼，「咁要開香檳慶祝啦！」evilsleeper也說：「有時啲人真係好抵炒嘅。」不過「小的子」說：「做乜咁躁大開殺戒呀？做人留一線，日後好相見！」曼頭妹mk堅持己見，「炒咗呢個人，我一啲都唔覺得自己做得絕。」
http://www.hksune.com/discuz/viewthread.php?tid=50539&extra=page%3D1