賭仔最迷信，贏錢有因由，輸錢更加要搵原因「賴」，網上近日流傳澳門永利賭場有個身穿紅衣的神秘老婦，見者賭邊瓣輸邊瓣，買幾多輸幾多，邪到你唔信云云。
小網不嗜賭博，入賭場純粹觀光開眼界，只落「雞仔注」小賭怡情，慶幸自己時運高無見過傳說中的紅衣老婦，網民dreamfly_kaho卻不是太好彩，他說在永利與這老婦有數面之緣，初時不以為意，後來發現她舉止有異，「佢多數喺賭大細枱出現，成日叫人跟佢買，不斷講買啦買啦。」
據dreamfly_kaho稱，入賭場只為消遣娛樂，所以從不理會這老婦，「我次次都冇理佢，不過每次見到佢我都輸大錢！」網友得悉賭場竟有如此怪事都甚為驚訝，Mimi494言之鑿鑿稱，早已聽過這傳聞，「以前都有人講過，見到佢賭乜輸乜。」
「買對家咪贏錢」
有經常出入賭場的網民認為，賭場始終是偏門行業，場內積聚怨氣十分多，有靈界物體出沒不出奇，「你玩你嘅，佢應該唔會搞你，唔使咁擔心。」有人說如果這老婦真是「賭仔剋星」，「佢叫你買乜你都唔買，買對家咪贏錢囉。」vieri_wkt指這些神鬼事物還是避之則吉，提醒網友不要招惹，自求多福。
http://www6.discuss.com.hk/viewthread.php?tid=5560165&extra=&page=1
《蘋果》網聞版請你報料！大家無論在網上網外發現任何騎呢搞笑的事情，
都歡迎提供照片或短片資料。一經採用可獲酬100元
請附姓名、電話及電郵地址，電郵到：mailto:[email protected]