小弟沒有本錢又沒有心機，幾年前投資過吓中國人壽之後，已多年沒有投資股市，不過睇嚟大牛市威力，對香港人日常生活都有影響；搵快錢容易，使錢自然又特別疏爽。
小弟想睇「醫神」演唱會，加場又加場，都係唔夠20分鐘就賣晒飛；外甥啱啱學成歸來，一心諗住book會展旁邊間酒店，食超豪自助餐賀一賀佢，點知打電話去訂位，換來的答覆是：「唔好意思，先生，最快要12月XX日先有位！」
講起使錢疏爽，利物浦領隊賓尼廸斯都好豪，季初簽入費蘭度托利斯、賴恩巴布等等，戰績都係一般，最近佢老哥又要求球會科水，1月再買人。
周六場打吡戰，我博番使錢少好多、靠打士氣波嘅愛華頓嘞！
讓球：愛華頓（下）
心得：錢唔係萬能
文：牽牛
施丹退休，頓感失落，期待阿仙奴的法比加斯他朝有此神乎奇技。
近5場往績：輸輸贏走贏