近排搭地鐵嗰陣時，俾日本電影《Hero》張海報吸引住，睇到木村同松隆子呢pair黃金組合，令我諗起喺10年前同班friends一齊追睇經典日劇《戀愛世紀》，記得當時癲到個個禮拜去荃灣某商場等新貨，仲要30蚊一集都照買。
我覺得《戀愛世紀》有啲虎頭蛇尾，但同好多人一樣，對於木村喺劇中梳嗰個髮型同戴嗰隻369，同埋神出鬼沒嘅水晶蘋果，以及當年好cutie嘅松隆子，都留下深刻印象。
講番10年前，記得係雲格第2季教阿仙奴，嗰屆佢哋個頭開得好，季尾仲以1分力壓曼聯贏得英超錦標。今屆原本唔睇好佢哋，點知踢落非常對辦，贏完一場又一場，禮拜六對冇晒貨賣嘅保頓，冇理由贏唔到啫，所以唔使問，要硬[-1]「主勝」。
讓球主客和：阿仙奴勝[-1]
心得：阿仙奴同恒指拍住上
文：青蛙仔
睇德國波同埋英國波大，大個之後攻埋日本波，兼且對日本藝能界幾有研究。
近5場往績：贏贏贏贏輸