5屆香港神射手，在效力南華及東方合共射入超過200球，被譽為歷來最佳外援中鋒；現於英國skybet任公關主任及足球博彩節目主持。譚拔士 電郵：mailto:[email protected]
1〉星期六17
布力般流浪vs雷丁 波膽：2：0
信心指數：★★★
經過個幾星期國際賽後，英超今日又返來啦！唔經唔覺，其實英超已經進行了接近四分一賽程，各支球隊有幾多實力，球迷心裏應該有數。今個星期，我決定將所有大牌球會先放埋一邊，原因好簡單，就係一個「攰」字。因為各大牌國腳級球星剛剛為國家隊踢完國際賽，過咗成個星期飄泊生活，就算冇份落場，體力亦消耗唔少，返回球會肯定腳軟軟，既然備戰唔理想，盲目捧名牌並不明智。
雷丁客場腳軟失球多
雷丁上場對住打比郡可以話係近年其中一場質素最差英超賽事，根本就只係得英冠水準，打比郡差已經預計到，但論表現，其實雷丁更差；由郭甫領軍的雷丁不嬲都以打不死精神見稱，但從比賽中可看到雷丁既無中場，後防亦「立立亂」，另外，前鋒奇雲杜里同傑臣合作之差亦是難以想像，兩個人好似第一次拍檔咁。
如後防有辛高復出都還好，但佢哋今場作客就點都捧唔過。雷丁除開「咧」第1場打和曼聯後，之後3場作客波通通輸晒，兼且一共失咗12球，這個數據顯示球隊作客演出並不可靠，故今日作客布力般流浪，要爆冷搶分的機會相當之微。
至於布力般向來是我其中一支愛隊，佢哋踢法夠晒體力化，雖然有辛達告魯斯同羅拔斯受傷或者唔出得，但係麥卡菲、賓尼、摩頓柏達臣同達比舒利全部是有質素球員，當中小國腳達比舒利門前把握能力算唔錯，今場如見佢正選上陣，可多加留意。
考慮到雷丁近況確實不濟，而布力般再冇歐洲賽的負累，球隊可以集中精神踢好英超。事實上，布力般主場一向有保證，今季4場攞到2勝1和1負的戰績，成為我今個星期重心推介。
2〉星期六9
愛華頓vs利物浦 波膽：0：2
信心指數：★
打吡戰向來唔易選擇，因為球員鬥志特別強，不過仍然睇好利物浦。紅軍費蘭度托利斯未必出得（編者按：今場料倦勤），而下周中又要應付歐聯，領隊賓尼廸斯今場會派甚麼球員出場仍係一個問號，但紅軍副選質素唔差，對住的愛華頓有力全取3分。
3〉星期六16
阿仙奴vs保頓 3：0
信心指數：★★★
阿仙奴現階段的敵人，其實只有自己，好似上仗主場對新特蘭輕鬆領先後，可以放鬆得好緊要，曾畀人追和，最後雖全取3分，但係都抹得一額汗。保頓今季一直缺態，領隊李森美被炒是意料中事，現連僅有的數糊人物安歷卡也受傷，簡直係天助阿仙奴。
4〉星期六18
富咸vs打比郡 波膽：3：1
信心指數：★★★
榜尾的打比郡開季作客全輸，失17球，1球都未入過，睇見佢哋作客唔捧對家就儍。富咸防守其實屬半桶水，差不多場場失波，不過勝在有入球能力，發揮水準，這3分應該冇問題，而富咸防線可能會失波，所以會小試3:1同3:0兩個波膽。
5〉星期六19
曼城vs伯明翰 波膽：2：0
信心指數：★★
曼城今季異軍突起，中場的馬田柏杜夫同艾蘭奴大放光芒，預計佢哋可以在伯明翰身取得3連勝，不過過程可能有些阻礙。事關對手伯明翰在早前賽和利物浦同僅負曼聯兩場波，經已證明佢哋有實力同列強周旋，只是考慮到曼城今季主場水準穩定，連勝可期。
6〉星期六20
米杜士堡vs車路士 波膽：1：1
信心指數：★★
究竟車路士能否重拾佳態，可能連領隊格蘭都唔知，因為陣中大部份球員要踢國際賽，咁嘅情況下，我就唔敢睇好佢哋作客對米堡有優勢，尤其車仔出征河畔球場，就更加不時出現意外賽果。米堡實力有限，但睇淡佢哋往往有驚喜。
7〉星期六21
韋根vs樸茨茅夫 波膽：0：2
信心指數：★★★
以樸茨茅夫本身班波的技術，以及佢哋今季打入前6名的目標，作客韋根攞3分絕對唔係問題，尤其對手仲有希斯基養緊傷，攻力大打折扣。老樸今季加入蒙達利加強中場攻守力，配合快馬烏達卡同重拾射門觸覺的馬華路禾尼，不勝無歸。
8〉星期六58
阿士東維拉vs曼聯 波膽：0：0
信心指數：★
曼聯有不少球員要為所屬國家隊出戰，可幸傑斯同史高斯兩主力早已退出國家隊，可趁機休息，只係作客維拉幾時都係難踢，從今季維拉主場打低車路士，同臨尾輸畀利物浦就可見一斑，而陣中幾隻快馬將會為曼聯的防線帶來麻煩。
9〉星期日25
韋斯咸vs新特蘭 波膽：1：1
信心指數：★★
韋斯咸同新特蘭係最令我睇唔通的兩支球隊，好似新特蘭，一味靠堅韋尼鍾斯一個人都可以令阿仙奴後防亂七八糟，但係就衰在唔識控制比賽節奏。至於韋斯咸就太過倚賴比拿美入波，呢場博兩隊打個和，各得1分。
10〉星期一7
紐卡素vs熱刺 波膽：1：2
信心指數：★★★
紐記近期表現幾反覆，可以主場贏愛華頓，亦可以作客輪畀打比郡，而今場對熱刺主動爭取入球，隨時出現反效果。熱刺正慢慢進步同改善演出，上場作客賽和利物浦就證明實力唔差，加上有唔錯的入球能力，有力破紐記今季主場不敗身。
註：以5★為最高
「暢譚英超」周末推介（10月份）
重心主客和4x1：星期六17布力般流浪勝（1.62）x星期六18富咸勝（1.67）x
星期六21樸茨茅夫勝（2.35）x星期一7熱刺勝（2.75）
@500
波膽2x1： 星期六18富咸勝3:0（11）、勝3:1（11）x
星期一7熱刺勝2:1（9）、勝3:1（18）@100
全日投注900分
上次賺蝕：-500分
累計結餘：93,732分