王貽興（左）同黃長興兩個歌喉到底係點？今晚睇《CASH流行曲創作大賽》就知喇，因為佢哋都會代表參賽者唱出作品。王貽興話搵歌唱老師學咗一個月咁多，雖然不嬲都覺得自己唱歌唔好聽，但學識運用聲線後，對主持工作都有用。至於喺法國長大嘅黃長興就話以前都有唱情歌追女仔，但返嚟香港後唔識睇中文，所以去卡啦OK都係得個坐字。