「讀書求學尋死路，投機炒股有前途！」恒指一度衝上30000點，全民皆股時代重臨，彈珠人身邊不少同事朋友閒時也愛炒股，近日他們股票有斬獲頻頻請食飯，這股炒風橫掃各階層，有求學網民也聲言要全職炒股！
「下一代冇前途啦」
香港討論區網民贏間廠開帖說自己準備全職炒股，「今朝俾老竇鬧醒咗，我即刻搭的士返學校退學，出門前仲問老竇攞咗幾千蚊去買部電腦。」贏間廠不知講真定講假，如果他未滿18歲，彈珠人也不太擔心，因為他不能開戶口炒股，「吹水」唔使本，唔慌蝕本。
wiley認為炒作之風不可長，即直斥其非，「香港有你呢啲人實死梗，下一代冇前途啦！用個腦諗吓嘢啦！」miceandcat反建議贏間廠讀多點書，不要急於搵快錢。
yman116明知網友胡謅，於是將計就計，「你選擇了一條非常正確的路，喺俾人踢出校之前自己先退學香港有你呢啲人，有排旺。」
http://www15.discuss.com.hk/viewthread.php?tid=5564770&extra=page%3D2&page=2