暫別歐國外，又返嚟歐洲聯賽戰場，主打英冠因為會在周中再上演多一輪賽事，令周末比賽更難估，故今次改用英超作重心，捧護級戰富咸主場大勝「公羊」打比郡（球賽編號：星期六18；now636台今日10:00pm直播），再串日聯千葉市原「主勝」及荷甲愛隊飛燕諾「大」勝。
富咸主場具威力
上周捉正日聯盃前鋒大勝水手，可惜3:2波膽在最後一分鐘失守；但用分注出擊，令意大利未能開出「-2」勝也只是小敗；本欄運氣未見太大起色前，惟有小注出擊。
喜歡富咸原因係小弟上年到過其小屋球場睇波，發覺場地相當狹窄，客隊真係唔易應付；今季他們由山齊士擔大旗，成績未見理想，目前排尾3，比今場對手、包尾嘅打比郡只多兩分；可幸主場尚算硬淨，撇開上仗主場淨負樸茅兩球（今屆唯一開入球細嘅聯賽主場比賽），翻查對上兩季賽績，凡主場輸波後，主場再戰錄得3勝3和（見附表），可見主場威力有番咁上吓。
市原無懼紅鑽
講國際賽效應，打比郡有單天保至尊嘅王牌射手堅尼米拿為蘇格蘭鞠躬盡瘁，兩場共踢足180分鐘最慘烈；相反富咸勝在兵多影響冇咁大，今屆主場連續兩次有和熱刺同曼城3:3嘅紀錄，可以再補注入球「大」，串射今屆專注荷甲、有唞夠嘅老鬼射手馬卡爾壓陣嘅飛燕諾大勝精英隊。至於日聯，紅鑽已彈離，有大量失分空間，今次作客近期勇銳嘅市原照開[-1]，缺永井雄一郎同小野伸二下，提防似巴甲班霸聖保羅。
文：蘋果波神
股市大旺，英超盛世，大家齊來贏多啲！
近5場往績：輸輸輸贏贏