呢排，除咗港交所有同海洋公園合作，搞到股市好似過山車之外。原來控煙辦都有同海洋公園搞吓「交叉品牌」，互相利用。孫柏文有呢個結論，係因為見到朋友個煙盒上，有幅相。以下為大家提供嗰幅相。
大家係咪覺得好cute呢？有個骷髏骨頭，好似當年小平同志咁，坐喺沙發椅上煲煙。如果上面唔係寫住「HKSARGovernmentWarning」，真係仲估盛智文又發功，宣傳海洋公園萬聖節重頭戲「哈囉喂」。我想問：「呢啲煙盒圖，唔係應該令人極度不安，先有效咩？點解會搞到咁cute？如果有小朋友被相吸引食煙，控煙辦點算先？係咪又有啲硬膠投訴呀？」不如執咗控煙辦啦。
金手指網誌： http://phatdat.blogspot.com