保頓炒咗領隊李森美後，被傳媒炮轟話冇人情味，特登揀國際賽期期間，球迷多數將注意力放喺國家隊身上時炒佢。好在，唔係間間英超球會都咁冇人情味，據報，利物浦有意搵李森美回巢，做領隊賓尼廸斯嘅副手。李森美喺紅軍出身，無論球員抑或教練時代都為紅軍立下唔少汗馬功勞，我求大俠就舉腳贊成紅軍搵佢回巢喇。