早前被爆出裸照醜聞嘅《歌舞青春》（HighSchoolMusical）女主角VanessaHudgens，起初好似冇受事件影響，點知後遺症𠵱家先開始出現。原本話Vanessa會成為運動鞋品牌Skechers代言人，但其經理人證實份約簽唔成，另外《OK！》雜誌日前又傳廸士尼已決定將Vanessa飛出《歌舞青春3》，另找女演員代替佢嘅角色，好多網友知道消息都好激氣，話會罷睇齣戲。
Liz：Vanessa係我戲中最鍾意嘅演員，冇佢個故事點講落去？
lidia：我唔信係真！我要即刻寫短訊去佢myspace問清楚！如果係真嘅話不如我哋發起簽名運動幫佢留低！
Boris：希望佢事業唔會因此而玩完啦，其實佢都為事件道咗歉，被飛的話真係好唔抵。
mhm︰廸士尼真係計錯數，如果Vanessa冇份演，起碼有一半人唔睇《歌舞青春3》，換人齣戲一定唔同晒。
kathastic︰如果Vanessa冇得演，我希望佢男友Zac都罷演支持佢。
troy：我估係《OK！》作料，如果廸士尼要炒佢，裸照見報嗰日已經炒，使乜等到今日！