施念慈前晚在Elements出席護膚品品牌Kiehl's新店開幕，問到其前夫陳鴻業惹官非，施念慈指與對方早已沒聯絡，更說「佢都未必聽我電話」，但指與前老爺感情不俗，問她是否前老爺及奶奶太縱陳鴻業以致他會傷人，她即轉移話題指自己母親才是嚴母，她21歲出夜街仍要捱罵。
施念慈及關心妍前晚在Elements，出席護膚品品牌Kiehl's新店開幕，施念慈前夫陳鴻業5月時在夜店Volar襲擊日籍男模鈴木仁，最終罪成，雖然成功獲保釋，但始終在荔枝角拘留所過了一夜，施念慈前晚一見記者即說：「我知你哋想問乜。」然後即謂早與前夫沒聯絡，並說：「佢都未必會聽我電話，𠵱家知道佢會上訴，更加唔適宜講咁多。」
老人家年紀大
雖與陳鴻業離婚，但施念慈指與前老爺和奶奶感情仍然不俗，她說：「我反而擔心前老爺，始終老人家年紀大嘛，我逢大時大節都會打電話畀前老爺問候吓，我知佢好錫Alan（陳鴻業）嘅。」
問是否就是前老爺太溺愛兒子，所以導致陳鴻業任性衝動？施念慈說：「咁父母梗係錫自己仔女㗎啦。」再問那陳鴻業又算不算是慈母多敗兒？她說：「唔係，前奶奶管教好OK。」
鬧到似地底泥
之後，施念慈即轉移話題說：「我媽咪反而係真正嘅嚴母，我21歲女出夜街佢仲鬧我，仲要係當街當巷攔住成班朋友面前鬧，搞到我好似地底泥咁，到幾個月前佢仲鬧緊我，我已經學識佢一鬧我就彈開。」
此外，問關心妍有關楊千嬅與丁子高的緋聞，她說：「我同丁子高係同月同日生嘅，做新人時都有一齊搞過生日派對，佢咁靚仔當然多女仔鍾意啦。」
採訪：RitaLeung
攝影：ChanChiLam
