港股近排大上大落，唔少炒開期指同指數輪嘅散戶都話，十足去賭場玩大細，開圍骰好淡通殺。
賺埋唔夠買驚風散
Cccal就話：「今時今日玩指數輪，刺激過世上任何賭局，指數上上落落，無論係好友定淡友，都係來回天堂與地獄，未到最後收市都難知結果。喺賭場賭都冇咁辛苦，最多幾分鐘就知贏輸，買指數輪賺得唔多，分分鐘賺埋都唔夠買『驚風散』！」
Hukuro感同身受：「明明升緊，入個廁所出番嚟已經倒跌。」Cftria就話：「咁樣『發』上『發』落，點樣同佢玩呀！」花花龍認為：「睇嚟呢排都係唔好掂輪。」Cheapchan0729就話：「連期指都唔好掂，個市忽然倒升又倒跌，冇得同佢玩。」paulchen話：「仲好鍾意挾完熊仔再劏牛。」