家陣啲小朋友，鍾意對住電腦，要行多幾步路都扭計。想子女身心健康發展，無論幾忙，應該學莫凱謙一家咁，抽時間到郊外一遊，人都自然精靈啲！
記者：郭佩韻 攝影：梁細權
鳴謝：香港電台、洲立影視
早前跟港台到大埔林村參觀樹屋田莊，同團有莫生（莫凱謙）與父親，原來大細莫生最愛到戶外玩，大莫生話：「一星期至少一天和他去戶外玩，有時去BBQ，小朋友多看綠色東西，有助改善近視，好過留在家中睇電視。」
細莫生在樹屋田莊裏表現活躍，導師教有機耕種，理論一大篇，到落手落腳耕田時，莫生非常落力。「個鋤頭有啲重，但種嘢好開心，唔覺辛苦，好想繼續玩。今次同咁多朋友一齊玩，更加高興。」
爬樹屋睇靚景
可玩攀石、製造環保紙等，玩完後一定要爬上樹屋，飽覽整個田莊靚景。
想好似大細莫生咁享受吓郊遊嘅樂趣，只要購買《山水傳奇》影碟套裝，即可獲得由旅行家主辦的本地一天生態遊$15現金券一張。（有效期至2008年3月31日）
《山水傳奇》影碟套裝
售價：$220
查詢：洲立影視（24188828）