鄭伊健主演嘅劇集《霍元甲》喺內地好受歡迎，佢噚日接受商台電話訪問，佢知道網上投票話佢主演呢個角色比之前黃元申仲受歡迎，伊健話：「嘩？咁犀利？其實自己都好畀心機去做，拍完呢套劇仲知道好多歷史。」但有網民指伊健做得個角色太平穩，冇乜激情，伊健話：「呢套劇有40集，𠵱家只係初步。個角色會成長，會有步驟去成長。」