陳玉蓮、劉松仁同馬德鐘等主演嘅新劇《盜亦有道》，噚日喺將軍澳舉行開鏡拜神儀式，眾演員拍攝宣傳片段，馬德鐘竟獲安排同前輩級嘅劉松仁同陳玉蓮坐喺最前排，地位超然。陳玉蓮聲帶發炎，𠵱家仲未好番，佢聲沙沙話：「最衰係導演，第一日開工就安排鬧人戲畀我，拍完即失聲，𠵱家所有我嘅戲都要配音。」