一年一度「法律週」月底開鑼，律師會噚日介紹詳情。政改綠皮書諮詢期剛結束，會長黃嘉純被問到律師會支唔支持廢除功能組別，佢就話根據國際公約標準，功能組別選舉並非普選制度，有違普選原則，除非政府修改選舉制度，令到功能組別選舉可以達到普選原則，否則律師會支持廢除功能組別。至於2012年雙普選，佢口徑大路，個人認為應循序漸進，特首普選行先，立會普選視實際情況而定。
法律週免費法律諮詢服務本月29日至下月4日，喺黃大仙同天水圍朝10晚8舉行。天水圍需要人幫，律師會話人手有限，所以只能夠入天水圍開檔兩日，詳情可致電28460500。