韓星公侑自從同尹恩惠合作拍劇集《咖啡王子》後，fans人數急增，連帶佢個blog每日都有過萬網民瀏覽。不過公侑懶咗些少，網友上載嘅嘢，比佢upload嘅相多好幾倍。想睇佢啲型仔自拍照，最新嘅竟然係佢上年去澳洲拍韓劇《精彩的一天》時嘅相。
難以明瞭
阿Deep睇咗公侑日前上載嘅幾張藝術照後，都唔係好明佢想表達啲乜。好似有張水鞋照，佢就寫咗句：「我的心情，我的意志，時間就像毫無相關般流逝。」唔怪得好多fans都留言話想了解佢多啲啦！聽聞下月初公侑會去台灣宣傳，到時真係要問清楚佢。
網址： http://www.cyworld.com/ggongyoo