日本女歌手伊藤由奈憑住為《NANA》電影及《海猿》電影唱插曲歌，成功喺港日兩地走紅。將於今個月24號推出全新細碟《UrbanMermaid》嘅伊藤，近日雖然忙於四出宣傳，但佢依然不忘更新網誌，同fans報告近況。
外表斯斯文文嘅伊藤，原來私底下非常鬼馬。佢早前拍攝新歌MV時，特登拍低自己滿頭紅色頭髮鬈起個樣，仲公開畀fans睇。另外，喺工作人員嘅日記入面，亦都有唔少伊藤由奈錄音同工作嘅花絮，張張相佢都十分開心，無端端走紅咗，又難怪佢喺網站上都貼咗張着住低Ｖ連身裙嘅相，認真風騷。
網址： http://www.yunaweb.net/