德國名宿列巴斯基，𠵱家喺日本職業聯賽乙組球隊福岡黃蜂做教練，但佢最近表態話對出任英冠球隊諾域治領隊好有興趣，最關鍵係現任黃蜂助教嘅確克係「金絲雀」諾域治名宿，如果一齊過檔，對列巴斯基適應新環境有一定幫助。諾域治喺英冠已跌到尾3，早前兜咗領隊格蘭，睇下列巴斯基會唔會重返歐洲球壇！