林文龍和鍾嘉欣昨日在尖沙嘴拍攝新劇《法證先鋒II》一場試婚紗戲，穿上婚紗的嘉欣從後擁抱林文龍，然後深情一吻，最初林文龍欲咀嘉欣時，她即時推開對方，原來鍾嘉欣以為文龍是錫面，她說：「原本係錫面，但導演想我哋錫嘴，所以臨時改咗，我都覺得一對情侶錫嘴係應該，我都接受。」
對死物狂喊
林文龍透露在《法證II》中，有多場喊戲，令他感到很疲累，他說：「我喺屋企講對白，可盈都聽到眼濕濕。第一日開工，用4個鐘拍兩場戲，但係得我一個人對住死物喊，好攰。」會否難以抽離角色，他說：「唔會啦，鍾嘉欣喺我眼中係個小妹妹，好難望住一個小妹妹抽唔到身。」
此外，林文龍近期搬屋發生阻滯，他因遇上不負責任設計師，故無法如期搬進新屋，現時要暫住酒店，他已發律師信追究對方。
採訪、攝影：卓寶花