有「打底王」之稱的陳慧琳（Kelly）昨日出席時裝展，自言十分細膽的她，再次以黑色tubetop打底防走光，又怕自己「反光」胸部嚇親街坊。而來年開演唱會的Kelly，也無意仿效楊千嬅在台上接吻。
唐英年家族擁有的美國時裝品牌TSE，昨日在九龍站Elements開設新專門店，唐媽媽唐尤淑圻與陳慧琳主持開幕儀式，同場舉行07秋冬時裝展，由樂基兒及AnaR.等名模作示範。
怕嚇親小朋友
有份出席昨日時裝展的陳慧琳（Kelly）穿上一件連身褲，但自行以黑色內衣打底，忙於錄音的她一見記者即開心笑說：「嘩，我好耐冇見人！」問Kelly為何自行為新裝打底，她笑說：「我細膽呀，又驚嚇死街坊，同埋我嗰個位白，反晒光。我唔打底，我怕自己變咗殭屍，唔敢郁，要跳出嚟呀！」問她心口的反光位是否只有男友見過？Kelly說：「係呀，得佢見過咋。」
Kelly下年將在紅館開演唱會，近日楊千嬅在個唱中與古天樂台上激吻，問她會否照辦煮碗，她說：「嘩，我怕錫完唔記得歌詞，千嬅都做晒啦，再激啲咪要似《色，戒》咁？我唔會朝呢個方向行，輕吻可以，激吻就唔得喇，同埋台上冇乜劇情需要，唔使啦。」
記者指Kelly與男友上台接吻，那便豈不名正言順？她笑說：「我驚大家嘔，我啲朋友一家大細，嚇死小朋友！」
將兒子獻國家
此外，問唐媽媽為何不請司長主禮，她即說：「我個仔送咗畀國家喇，佢同家族生意一刀兩斷！我哋30年前就喺新疆開廠，呢個品牌都做咗18年喇！」
採訪：RitaLeung
攝影：DickyChan
