譚小環與丘凱敏昨日出席在尖沙嘴舉行的「新婚生活易大賞2007」活動，正享受新婚生活的小環，上月才與任職保險公司的蔡強榮結婚，她甫到場已被眾人稱呼為蔡太，但小環坦言仍未習慣此稱呼，還是覺得小環這名字更有親切感。
繼續拍戲至醒神
榮升蔡太後，小環正努力補習廚藝，她說：「我要做一個稱職嘅賢內助，老公唔係咁鍾意食甜品，所以我會鑽研煲湯同炒小菜，喺呢兩方面下工夫，食到老公肥肥白白，希望搵到名師義務教我煮餸啦！暫時最拿手係煲雪耳雞湯，仲有蒸水蛋、生炒排骨，煮得都OK㗎！起碼食得落口兼有誠意分搭夠。」
小環與無綫的藝員合約將近屆滿，她希望繼續演藝工作，她說：「人要做嘢先會醒神，老公叫我唔好咁辛苦，最緊要我自己做得開心喎！但又冇話唔准拍親熱戲、演性感角色。」
採訪、攝影：魯萍