睇易建聯好似瘦蜢蜢咁，原來佢嘅身體條件竟然係全公鹿最好嗰個！話說之前選秀會時，呢位公鹿新星冇向大會提交個人體測報告，但會方依然對佢信心十足，唔睇數據就決定揀佢；結果隔咗4個月，佢補交嘅呢份體測報告入面，其中身體脂肪含量只得3.4%，成為全隊最「弗」一個，所以話瘦唔一定代表身體差㗎！