【記者蔡元貴報道】又是精神病患者，又是有自殺前科，又是天水圍公屋。天耀邨三屍命案前的半個月，一名患精神病的男子疑不堪官司壓力，在天澤邨寓所跳樓自盡，遺下4歲幼女。死者父親這幾天看新聞，得悉天涯咫尺又有似曾相識的悲劇，感同身受，慨嘆社工支援不足，以至兒子有自殺念頭也無人跟進制止。
一次吃光所有藥
死者是王穎斌，31歲。說來也湊巧，他與三屍慘案母親麥福娣同住天水圍公屋，而且份屬青山醫院的院友。王穎斌早有自殺前科，2003年沙士疫潮下失業，女兒剛出世，巨大壓力下，突然在家中打爛玻璃碟，以碎片自傷頭部，送院後證實患有抑鬱症。出院後，社工建議他轉換環境，調遷天水圍天澤邨，但王穎斌的病情仍然反覆。
去年12月，王穎斌又病發。他一次過吃光所有醫生處方的精神科藥物，還自行去藥房購買了一樽安眠藥，全樽服下。那次幸得同住的王父發覺，及時送院，急救後轉送青山醫院，至今年6月才出院。
王穎斌留院期間，遭入境事務處調查，指他串謀欺詐，為一對假結婚的男女作見證人。王穎斌認了罪，法庭本月8日把案中其他被告定罪，但王等不到宣判，上月29日在家中跳樓自盡。王父說：「個仔同我講過好驚坐監，我同佢講唔使驚，最多守行為。臨去嗰日佢仲好精神，諗唔到佢會咁。」
三屍慘案中，三名社工都無法制止悲劇。王父也有留意這宗新聞，更感同身受，他說：「你一講社工我就激氣。以前有個姑娘（醫務社工）跟進我個仔，但係個仔今年6月喺青山醫院出院後，就轉介咗畀另一個姑娘。接手嗰個姑娘同我講，仲未睇過我個仔嘅資料，就算有跟都做唔到啲乜。」
政府事後才緊張
「社工受過專業訓練，如果社工肯用心跟足啲，或者會察覺到我個仔唔妥，最少可以安慰吓佢。我覺得精神病患者好講彩數，好似個仔咁，曾經遇到個好社工，成日打電話同佢傾偈。但係其餘大多數都係循例，一個月上來家訪一次，問佢有冇食藥，唔夠5分鐘就走。」
政府不是不緊張，而是死了人才緊張：「我個仔出咗事之後，民政處好緊張，打電話來問我有乜需要幫手。個孫女睇住阿爸跳樓，所以幼稚園安排咗個社工跟進。」王父說，做社會服務的人，應該付出多點愛心。