韓星尹恩惠自從演出韓劇《宮》同《咖啡王子》後，唔少韓國網民都好似阿Deep咁，得閒就去佢個blog睇吓有乜靚相，難怪個blog近日突破1,000萬瀏覽人次啦，都咪話唔犀利。
追求最潮產品
啱啱度過23歲生日嘅尹恩惠，日前同大批fans開咗個生日派對，不過精明網友一睇，發覺點解唔見佢班前BabyV.O.X隊友同佢慶祝嘅？畢竟尹恩惠係組合中年紀最細嘅，解散前大家都好照顧呢位小妹妹，所以令到好多人懷疑隊友因為妒忌佢太紅，於是齊齊杯葛佢。
阿Deep去過尹恩惠嘅blog度睇，發現佢喺生日前上載嘅一篇文章，的確有弦外之音喎！
尹恩惠喺留言度話：「人有很多種情緒，有妒忌、自大、傲慢，雖然微不足道，卻足以令自己受傷害。我們或許不知道，但即使知道，也會去原諒其他人，內心隱藏着的善良之心，現在再次守護我。」言語間暗示佢最近被人所傷，阿Deep希望佢同前隊友友誼永固啦，畢竟都合作咗咁耐。
講開尹恩惠個blog，阿Deep發現佢都好追求潮流產品，好似日前佢就寫咗幾樣希望擁有嘅嘢，包括仲未推出市面嘅新款手機、iPodtouch同酒櫃等，都幾貪新鮮喎！
網址：
http://www.cyworld.com/dbsdmsgp
版主：網盜王尊尼Deep
本欄逢周一至五刊出