青少年濫藥問題嚴重，連律政司司長黃仁龍都感慨良多，表示與一名濫藥少年對話時，對方語無倫次形同弱智。網民soiing對高官言論有共鳴，因為她身邊有一位索K同事，雖未至於表現弱智，但卻經常產生幻覺，陷於精神失常。
「索到精神失常」
「我哋幾個坐喺附近同事，都覺得佢係索K索到精神失常。我自己真係冇諗過會有咁癲嘅同事。」soiing背後稱同事為「K后」，不是因為她愛唱卡拉OK，而是她經常吸食俗稱「K仔」的毒品氯胺酮。「佢成日扮聽電話，其實係瞓緊覺，有時扮打字，其實又係合埋兩隻眼瞓覺。」
除了經常精神不振，K后又幻覺頻生。「成日都話打印完啲嘢俾人拎咗，但係根本就冇人拎佢啲嘢；有時又話做完啲嘢點解唔見咗，經理檢查番個系統，佢根本冇做過。」
soiing對同事沉淪毒海甚為感嘆，「唉！佢未過30歲就搞成咁。」
網民jinhee說：「以為係唱K，原來索K，叫老闆炒咗佢啦！」Net神認為同事一場，大家勸K后回頭是岸，重新做人吧！
http://www14.discuss.com.hk/viewthread.php?tid=5555311&extra=page%3D3