Radiohead突然玩任聽眾定價下載新碟（新一期《Q》仲寫緊新碟08年出！），有文章說Radiohead發財後向左靠，走社會主義路線，但窮人多數無電腦，點聽？也有朋友笑說樂隊其實想測試各國的道德水平，而港人一定排名最低──最少人畀錢！本人本來確是打算畀錢買，但最後發現畀錢的Steps多好多，Click畀$0最快，我懷疑樂隊根本想送歌畀我試聽！下載途中家中舊電腦突然Hang機，每個戶口只能下載一次，點算？一試之下戶口竟然任開，即係門戶大開！OK，歌不好一切都是噱頭，好才有人要畀錢買唱片，邊有人想糟質自己聽MP3！全碟沒有早期的爆炸的結他聲，沒有中期的天馬行空，沒有後期的蒼凉電氣化，一切都白如開水。開水喎，也許多飲會品出味道來！
（彬）
網頁：http://www.radiohead.com